Tiyak na lalo pang madaragdagan ang oras ng trabaho ng mga nasa hanay ng Philippine National Police o PNP.
Ito’y makaraang ipag-utos ni PNP Chief Dir. Gen. Ricardo Marquez ang mas mahigpit na pagbabantay ngayong nagsimula na ang kampaniya para sa lokal na posisyon ngayong darating na halalan.
Bagama’t nakataas na ang heightened alert ng pulisya mula pa nuong ika-15 ng Marso, ngunit sinabi ni Marquez na nasa pagpapasya pa rin ng kaniyang mga regional directors kung itataas pa ng mga ito ang kanilang alerto depende sa sitwasyon ng kani-kanilang nasasakupan.
Ilan sa mga lugar na isinailalim sa election watchlist ng PNP ay ang Pangasinan, Masbate, Negros Oriental, Western Samar, Maguinanao at Lanao Del Sur.
By: Jaymark Dagala
