Sinampahan na ng kasong parricide ang mister ni Pearl Helene Sta. Ana, ang brutal na pinatay kasama ang isang taong gulang na anak sa Sta. Rosa, Laguna.
Ayon kay Sr. Supt. Ronnie Montejo, Director ng Laguna Provincial Police Office, two counts of parricide ang inihain nilang kaso laban kay Ricardo Sta. Ana makaraang inguso siya ng 25 anyos na suspek na siya ang mastermind sa pagpatay sa kanyang mag-ina.
Sinabi ni Montejo na batay sa testimonya ng self-confessed killer na si Ramoncito Gallo, si Ricardo Mismo ang pumili ng petsa (March 2) para isakatuparan ang krimen na nataon naman na kanilang wedding anniversary.
Ayon kay Gallo, binayaran siya ni Ricardo at ang kanyang kaibigan ng tig-P30,000 para patayin ang asawa’t anak.
Selos ang itinuturong dahilan kung bakit ipinapatay ni Ricardo ang kanyang maybahay.
By Meann Tanbio
