Nakapuslit na palabas ng bansa ang negosyanteng si Kim Wong na nasasangkot sa mahigit 80 million dollar money laundering activities sa bansa.
Batay ito sa ipinakitang datos ng Ninoy Aquino International Airport o NAIA kaalinsabay ng ginawang pagdinig ng Senado kahapon.
Sinasabing Marso 4 pa pumuslit palabas ng bansa si Wong sakay ng Philippine Airlines o PAL flight o PR 300 patungong Hong Kong.
Kabilang si Wong sa mga iniimbestigahang RCBC account holders ng Senate Blue Ribbon Committee na siyang nanguna sa pagdinig.
Sinasabing kilala rin umano si Wong sa larangan ng pulitika dahil sa pagiging financier nito ng ilang kandidato sa mga nakalipas na halalan.
By Jaymark Dagala
