Pinangangambahang umakyat pa ang bilang ng patay sa pagsabog ng suicide car bomb sa mataong lugar sa kapitolyo ng Turkey, sa Ankara.
Tatlumpu’t apat (34) katao ang agad na nasawi samantalang may 125 pang sugatan nang sumabog ang car bomb sa isang bus stop malapit sa Kizilay Square.
Ito na ang ikalawang pagkakataon na may sumabog na car bomb sa Central Ankara sa loob lamang ng isang buwan.
Ang una ay noong February 17 na kumitil sa 29 katao at inako ng Kurdistan Workers Party.
Malapit lamang di umano ang pinangyarihan ng pagsabog sa justice at interior ministries, courthouse at dating tanggapan ng prime minister.
By Len Aguirre
Photo Credit: AP/bbc
