Tuluyan nang nabili at nakontrol ni Elon Musk ang Twitter, na sinundan ng agarang pagsibak sa mga Top Executives nito.
Ayon sa ulat ng Washington Post at CNBC, kabilang sa mga tinanggal sa pwesto ng tinaguriang “World’s Richest Man” ang Chief Executive ng Twitter na si Parag Agrawal, kabilang na ang Chief Financial Officer at Head of Legal Policy, Trust and Safety ng kumpanya.
Sinubukan pang dumulog ni Agrawal sa Korte upang pigilan si Musk na i-takeover ang kumpanya.
Lumabas ang ulat ilang oras bago ang itinakdang deadline ng Korte kay Musk para maselyuhan ang on and off deal ukol sa pagbili sa social media network.
Matatandaan na una nang sinabi ni Musk sa kanyang Tweet na kanyang binili ang Twitter dahil mahalaga ito sa kinabukasan ng sibilisasyon upang magkaroon ng common digital town square, na syang magsisilbing lugar para talakayin o pag-usapan sa isang malusog na pamamaraan ang bawat paniniwala.