Naka-half mast ngayon ang bandila ng Pilipinas sa Senado.
Ito’y dahil sa pagpanaw ni dating Senate President Jovito Salonga.
Ayon sa tanggapan ni Senate President Franklin Drilon, itinakda sa Miyerkules, March 16, ang pagdadala sa Senado sa mga labi ni Salonga para sa necrological service na ibibigay dito.
Una rito, ay nagpahayag ng pagdadalamhati ang mga senador sa pangunguna ni Drilon sa pagyao ni Salonga.
Nagkakaisa ang mga senador sa pagkilala sa makabuluhang nagawa sa bansa ni Salonga na anila’y isang tunay na patriot, statesman, democrat at fighter para sa katotohanan at hustisya.
By Cely Bueno (Patrol 19)