Naniniwala ang isang boxing analyst na maaaring maunsyami ang bakbakan nina 8 Division world Champion Manny Pacquiao at Timothy Bradley sa Abril.
Ito, ayon kay Atty. Ed Tolentino, ay kahit pa plantsado na ang lahat para sa sinasabing huling laban ni Pacman.
Mayroon anyang external factors gaya ng kontrobersyal na pahayag ni Pacquiao sa lesbian, gay, bisexual and transgender o community ang hindi maiiwasan ng mga organizer at promoter lalo’t kung napakalaki ng epekto nito sa laban at venue.
Pabor din si Tolentino na ipagpaliban ang laban dahil hati ang atensyon ng pambansang kamao at naka-aapekto na sa kanyang konsentrasyon sa training ang kontrobersyang kinakaharap.
Idinadag din ng boxing analyst na tila nahihirapan si Top rank Ceo Arum, promoter ng people’s champ sa paghahanap ng sponsors lalo’t ilan sa mga ito ang nagsimula na umanong mag-pull out matapos ang pahayag ni Pacquiao.
By: Drew Nacino
