Ramdam na ang epekto ng El Niño sa Gitnang Mindanao.
Partikular na rito ang bayan ng South Upi sa Maguindanao kung saan tuyot na ang mga pananim dahil sa matinding init at kawalan ng ulan.
Nakararanas na rin ng gutom ang ilang mga residente roon.
Sa katunayan, may pamilyang kumain ng darak na para sana sa mga alagang baboy at manok.
Sa datos ng Maguindanao Provincial Agriculture Department, 17,000 ektarya ng palayan at maisan ang napinsala dahil sa matinding tagtuyot.
Halos 5,000 ektarya ang nasira ng mga pesteng daga sa 18 bayan ng probinsya.
By Meann Tanbio