Naitala sa 11. 5 degrees celsius ang pinakamalamig na temperatura sa taong ito.
Ang nasabing temperatura ay naranasan sa Baguio City, alas-6:00 ng umaga kahapon.
Ayon sa Philippine Atmospheric Geophysical and Astronomical Services Administration (PAGASA), ang naturang temperatura ay patunay ng amihan northeast winds gayundin ang cold front sa Siberia na nakakaapekto sa Pilipinas at maging sa Japan, Korea at China.
Inaasahan pang bababa ang temperatura sa linggong ito hanggang sa unang linggo ng Pebrero.
By Judith Larino
