Inilarga na ng mga kumpanya ng langis ang kanilang tapyas presyo sa mga produktong petrolyo ngayong araw.
Ala-6:00 ngayong umaga, P0.90 ang rollback ng mga kumpanyang Total, Seaoil, PTT, Phoenix Petroleum at Shell sa presyo ng kada litro ng diesel.
Habang P0.70 naman ang kanilang iro-rollback sa presyo ng kada litro ng kanilang gasoline.
Alas-12:01 kaninang madaling araw, nagpatupad din ng kaparehong tapyas presyo ang mga kumpanyang Caltex, Petron at Flying V sa kanilang gasolina at diesel.
Samantala P1.10 naman ang rollback ng mga kumpanyang Petron, Shell, Chevron, Flying V at Seaoil sa presyo ng kada litro ng kanilang kerosene.
Una nang nagpatupad ng kaparehong rollback sa presyo ng kanilang mga produkto ang kumpanyang Eastern Petroleum ala-6:00 kagabi.
By Jaymark Dagala
