All set na ang Philippine National Police o PNP sa pagpapatupad ng gun ban sa Enero 10 kasabay ng pagpasok ng election period para sa May 2016 elections.
Ayon kay PNP Spokesperson Chief Superintendent Wilben Mayor, ito’y nangangahulugan na suspendido ang lahat ng permits to carry firearms maliban lamang kung mayroong exemption mula sa Commission on Elections o COMELEC.
Giit ni Mayor, kukumpiskahin ng PNP ang lahat ng mga iligal na baril at maglalatag iot ng maraming checkpoints sa mga kritikal na lugar.
Tinututukan din ng PNP ang anim na election hotpots at gayundin ang mga private armed groups o PAG’s.
By Jelbert Perdez
