Patuloy na dumadagsa ang mga deboto sa Basilikang Poong Itim na Nazareno sa Quiapo Maynila limang araw bago ang kapistahan nito sa Sabado, Enero 9.
Mahaba na ang pila sa likurang bahagi ng simbahan sa bahagi ng Quezon Blvd. para sa tradisyunal na pahalik.
Una nang tiniyak ng Manila Police District o MPD na walang mababago sa ruta ng traslacion na tulad noong nakalipas na taon.
Kaya naman todo paghahanda na sa seguridad ang isinasagawa ng pulisya para matiyak na ligtas at mapayapa ang gagawing pagdiriwang.
Taong 2012 nang maitala ang pinakamahabang oras ng prusisyon ng Nazareno mula Luneta hanggang simbahan ng Quiapo na tumagal ng mahigit 22 oras.
By Jaymark Dagala
