Agarang kumilos ang Land Transportation Office (LTO) laban sa isang mayor at ilang kawani ng isang Local Government Unit (LGU) sa Quezon Province matapos makitang bumibiyahe sakay ng motorsiklo nang walang standard protective helmet.
Matapos matanggap ang mga video at larawan ng insidente, inatasan ni LTO Chief Assistant Secretary Markus V. Lacanilao ang Intelligence and Investigation Division (IID) na tukuyin ang mga rehistradong may-ari at rider ng mga motorsiklong sangkot.
Nag-isyu ang LTO ng Show Cause Order (SCO) at ipinatawag ang mga rider sa Oktubre 1 para magpaliwanag. Kasama sa mga posibleng paglabag ang mandatory use of motorcycle helmets at ipaliwanag kung bakit hindi sila dapat ideklarang improper person to operate a motor vehicle.
Preventively suspended nang 90 araw ang kanilang mga lisensya ng mga rider at inatasang agarang pagsuko ng mga ito sa IID.
