Nasunog ang isang chemical factory sa loob ng isang industrial park sa Barangay Canlubang, Calamba, Laguna.
Ayon sa mga otoridad, nagsimula ang sunog bandang alas-singko kahapon, at inaalam pa ang sanhi ng sunog.
Gayunman, nananatili ang simoy ng mga kemikal na nahalo sa usok, at kumalat na ito hanggang sa Cavite, kanlurang Laguna, at katimugang bahagi ng Metro Manila.
Inabisuhan naman ng mga lokal na pamahalaan sa mga apektadong lugar na manatili muna sa bahay at isara ang mga bintana, lalo na ang mga bata, senior citizen, buntis, at mga may sakit sa baga at puso.
Kung kinakailangan namang lumabas, pinapayuhan ang publiko na magsuot ng N-95 mask o anumang panakip sa ilong at bibig. | Sa panulat ni Anjo Riñon
