Hinikayat ng Malacañang si Senador Pia Cayetano na huwag matakot kung wala naman itong ginagawang mali.
Ito’y matapos umanong matakot si Cayetano para sa “kalayaan” nito nang malaman niyang minamanmanan siya at ang kapatid at kapwa senador na si Alan Peter ng National Bureau of Investigation matapos silang lumipad pa-Singapore.
Gayunman, iginiit ni Palace Press Officer Claire Castro na hindi mino-monitor ng NBI ang galaw ng magkapatid na Cayetano sa Singapore.
Tinanong din ni Castro ang naging tugon ni Senador Pia Cayetano, na maaari anyang senyales ng paranoia.
Dagdag pa ng Palace official, walang bahid ng pulitika ang pagsasampa ng kaso sa korte. | Sa panulat ni Anjo Riñon
