Mariing itinanggi ng Malacañang ang alegasyon na kinokontrol nito ang ilang senador, police officials, at iba pang personalidad ng gobyerno kaugnay ng impeachment case laban kay Vice President Sara Duterte.
Iginiit ni Palace Press Officer Claire Castro na ginagampanan lamang ng mga ahensya ang kanilang mandato.
Hinikayat din ni Usec. Castro si V.P. Sara na harapin na lamang ang mga isyung nakapaloob sa mga reklamong isinampa laban sa kanya, sa halip na akusahan ang pamahalaan ng political persecution.
Samantala, hindi na nagbigay ng detalye ang Malacañang hinggil sa mga posibleng kaso laban kina Atty. Harry Roque, dating Congressman Zaldy Co, at Senador Loren Legarda. | Sa panulat ni Reianne Antiquina
