Kinumpirma ng kampo ni Davao City Mayor Sebastian “Baste” Duterte na natanggap na ang subpoena na inilabas ng Senate Impeachment Court para sa paglilitis ni Vice President Sara Duterte.
Ayon kay Atty. Ferdie Topacio, natanggap na ng opisina ng alkalde ang dokumento kahapon.
Matatandaang ipinatawag ng Senado si Mayor Duterte bilang bahagi ng paglalahad ng ebidensiya ng prosecution sa ilalim ng Article Two ng impeachment case, na tumatalakay sa mga alegasyon ng hindi maipaliwanag na yaman.
Sinabi ng prosecution na maaaring talakayin sa testimonya ng alkalde ang mga transaksyon ng pamahalaang lungsod ng Davao na may kaugnayan sa Gencorp Industries Incorporation, isang kumpanyang idineklarang kabilang sa mga business interests ni V.P. Sara.
Nakatakdang humarap ang alkalde sa Impeachment Court sa Setyembre a-bente-tres, ngunit maaari pa ring baguhin ng korte ang schedule depende sa magiging takbo ng paglilitis. | Sa panulat ni Reianne Antiquina
