Naniniwala si Pangulong Ferdinand Marcos Jr. na hindi pa maituturing na krisis ang problema sa basura.
Gayunman, aminado ang Pangulo na kritikal na ang problema sa basura sa bansa.
Ginawa ng Pangulo ang pahayag sa kanyang pagbisita sa pumping station sa kahabaan ng Jose W. Diokno Avenue sa Pasay at Redemptorist Water Channel sa Parañaque matapos mabara ng sandamakmak na basura dulot ng malalakas na pag-ulan nitong mga nakaraang araw.
Giit pa ng Presidente, hindi sapat ang pagpapataw ng multa sa mga nagkakalat kung kulang naman ang maayos na pasilidad na mapagtatapunan ng basura. l mula sa panulat ni Reianne Antiquina
