Tumaas ng 358% ang bilang ng mga pasaherong bumiyahe sa NAIA nitong nagdaang Undas.
Sinabi ng Manila International Airport Authority (MIAA) umabot na sa 554,852 ang bilang ng mga pasahero sa NAIA mula October 28 hanggang November 2, malayo sa 154,631 na pasahero na naitala noong nakaraang taon.
Sa nabanggit na bilang, 322,668 na pasahero ang sa domestic flights na mas mataas kumpara sa 110,939 na bumiyahe noong nakaraang taon.
Habang umabot naman sa 232,184 ang international flights na mas mataas kumpara sa 43,692 na naitala noong Undas ng 2021.
Ayon sa MIAA, ang pagtaas ng bilang ng mga pasahero ay resulta ng mas pinaluwag na border restriction sa ibang bansa.