Iginiit ni Department of Justice Spokesperson Atty. Polo Martinez na posibleng mapatawan ng parusa si Vice President Sara Duterte sakaling hindi siya dumalo sa paglilitis ng kasong grave threats na inihain laban sa kanya.
Matatandaang kinasuhan ng DOJ si VP Sara kaugnay sa pagbabanta sa buhay nina Pangulong Ferdinand Marcos Jr., First Lady Liza Araneta Marcos, at dating House Speaker Martin Romualdez.
Ayon kay Spokesman Martinez, malinaw na nakasaad sa batas ang posibleng parusa kung hindi haharap ang isang akusado sa itinakdang paglilitis.
Samantala, nagrekomenda rin ang ahensya ng 120-thousand pesos na piyansa para sa naturang kaso. l mula sa panulat ni Reianne Antiquina
