Ilalantad ni Senador Panfilo “Ping” Lacson sa pagdinig ng Senate Blue Ribbon Committee ang mga detalye sa likod ng mga umano’y maanomalyang flood control projects sa Taguig City.
Ayon kay Senador Lacson, hindi bababa sa limang case studies na may kaugnayan sa mga nasabing proyekto ang tatalakayin sa kanilang pagdinig.
Nabatid na isinumite ni Senador Lacson sa Office of the Ombudsman ang mga nakalap nilang ebidensya para mapanagot ang mga sangkot sa naturang proyekto.
Samantala, sinagot din ni Lacson ang pahayag ni Senador Alan Peter Cayetano na “malicious” ang kaniyang exposé, at iginiit na “malicious-delicious” ang isyu na masasaksihan ng publiko sa kanilang magiging hearing.
