Dalawa ang patay habang lima ang sugatan matapos ang pamamaril sa Bite of Seattle food festival sa hilagang-kanlurang Estados Unidos.
Ayon sa mga otoridad, nakarinig ng putok ng baril sa pinagdarausan ng naturang event, na idinaos malapit sa Seattle Space Needle.
Dagdag pa ni Seattle Mayor Katie Wilson, isang indibidwal ang arestado kaugnay ng insidente, ngunit tumanggi siyang magbanggit ng iba pang detalye.
Inabisuhan naman ng mga pulis ang publiko na iwasang dumaan sa paligid ng Space Needle upang hindi maabala sa patuloy na imbestigasyon nito. | Sa panulat ni Anjo Riñon
