Kinumpirma ni National Capital Region Police Office (NCRPO) Spokesperson Police Major Hazel Asilo na aprubado na ang permit ng tatlong grupo na magsasagawa ng kilos-protesta sa ikalimang State of the Nation Address ni Pangulong Ferdinand Marcos Jr.
Ayon kay Spokeswoman Asilo, kabilang sa tatlong grupo na pinayagan ang BAYAN, Sanlakas, at Better Brighter Movement.
Pinahintulutan ang grupong BAYAN na magdaos ng rally sa may bahagi ng St. Peter Parish; ang Sanlakas naman ay sa may bahagi ng Toyota sa Commonwealth Avenue; habang ang Better Brighter Movement naman ay sa Commonwealth, katapat ng COA at Sandiganbayan.
Kaugnay nito, tiniyak ng NCRPO na magde-deploy sila ng dalawampu’t isang libong personnel ng Philippine National Police para sa seguridad ng publiko.
Nagbabala rin si Police Major Asilo na mahigpit na ipinagbabawal ang pagsunog ng effigy bilang bahagi ng pagpapanatili ng kaayusan at seguridad sa mga dadalo sa rally na may health conditions. | Sa panulat ni Reabelle Medina.
