Blangko o walang impormasyon si Defense Spokesperson Atty. Michael Poa hinggil sa liham ni Vice President Sara Duterte kay Senate President Sherwin Gatchalian na humihiling na sagutin ng Senado ang pagkain ng mga staff at legal team.
Ayon kay Attorney Poa, hindi siya kasama sa paghahanda ng liham at wala ring partisipasyon ang defense team sa usaping ito, kaya mas makabubuting sa Office of the Vice President (OVP) manggagaling ang mga detalye.
Batay anya sa kanyang nalalaman, administratibo lamang ang naging pagpupulong ng mga kinatawan ng OVP at ni Impeachment Clerk of Court and Senate Secretary Renato Bantug Jr., ngunit wala siyang impormasyon kung ano ang napagkasunduan.
Samantala, tiniyak ni Poa na maayos naman ang kanilang pagkain at inumin, bagama’t hindi niya alam kung ito ba ay ipinagkakaloob ng Senado.| via Jenn Patrolla (Patrol 38)
