Sinabi ng Bureau of Immigration na nakatanggap ito ng impormasyon kaugnay sa umano’y planong pag-alis ng bansa ni dating House Speaker Martin Romualdez, subalit hindi ito natuloy.
Ayon kay BI Spokesperson Dana Sandoval, ipinaalam sa kanila ang nasabing plano, ngunit hindi ito naisakatuparan.
Sinabi rin ni Sandoval na batid ng kampo ni Congressman Romualdez ang mga umiiral na derogatory records at mga restriksiyong maaaring humadlang sa kaniyang paglabas ng bansa.
Dagdag pa ng BI official, sakaling magkaroon ng aktwal na tangkang umalis ng Pilipinas ang mambabatas, titiyakin ng ahensya na maipatupad nang maayos ang mga naaangkop na batas at alituntunin.—sa panulat ni Daniela De Guzman
