Kinumpirma ng Department of Energy na ang Pilipinas na ang may pinakamataas na singil sa kuryente sa mga bansang kasapi ng ASEAN noong Hunyo, na umabot sa P12.43 centavos kada kilowatt-hour.
Ayon kay Energy Undersecretary Rowena Cristina Guevara, mas mataas ito ng 9.3 centavos kada kilowatt-hour kumpara sa average rate ng Singapore na 9 centavos.
Tinukoy ng ahensya na pangunahing dahilan ng mataas na singil ang kakulangan sa suplay ng kuryente, lalo na sa Visayas, at ang mataas na demand sa panahon ng tag-init.
Samantala, ibinabala ng DOE na posibleng tumaas pa ang singil sa kuryente sa susunod na buwan kung magpapatuloy ang pagtaas ng presyo ng langis dulot ng panibagong tensyon sa Gitnang Silangan.
Nilinaw ng ahensya na nakadepende ang magiging dagdag-singil sa galaw ng presyo ng gasolina sa mga darating na linggo.—sa panulat ni Daniela De Guzman
