Patay ang isang senior citizen habang nakapila sa namamahagi ng relief goods sa Nabua, Camarines Sur.
Ayon sa barangay tanod na si Ernesto Millete, hinimatay habang nakapila si Roger Relano Abillonar, 62-anyos.
Kakwentuhan pa umano niya ang matanda ngunit pagtalikod aniya niya ay bigla na lang bumagsak ito.
Pinauupo pa aniya nila si Abillonar ngunit naninigas na ito.
Isinugod pa sa ospital ang matanda ngunit tuluyan na itong binawian ng buhay.
