Nilinaw ni Counsel for the Prosecutor Atty. Lorna Kapunan, na hindi sila “naduwag” o “natakot” na isalang sa witness stand si Office of the Vice President (OVP) Chief-of-Staff Atty. Zuleika Lopez kaya nila ito tinanggal sa listahan ng saksi.
Sa press conference sa Senado, ipinaliwanag ni Kapunan na matapos ang kanilang masusing pagsusuri, lumabas na magiging “unnecessary, redundant, at surplusage” kung isasailalim pa sa witness stand si Lopez.
Aniya, napatunayan na ng prosekusyon ang mga puntong nais nilang matalakay sa impeachment court.
Binigyang-diin ni Kapunan na marami nang nakakakilala sa kaniya bilang hindi umaatras sa mga paglilitis, pero mas pinili aniya nila ang mas mabilis at maayos na paraan sa presentasyon ng mga ebidensya. | Geli Mendez (Patrol 30)
