Isasailalim sa serye ng psychosocial intervention ang mga estudyante at guro na naapektuhan ng pamamaril sa loob ng San Jose National High School sa Tacloban City.
Ayon kay Social Welfare and Development Secretary Rex Gatchalian, pangungunahan ito ng Department of Education, katuwang ang DSWD at Department of Health upang matulungan ang mga biktima sa trauma management at pagproseso ng kanilang naranasan sa insidente.
Nakipagtulungan na aniya ang kagawaran sa Ateneo School of Psychology para bumuo ng pangmatagalang psychosocial programs para sa mga biktima.
Samantala, nagsampa na ng kasong kriminal ang Police Regional Office 8 laban sa kinse-anyos na sangkot sa pamamaril, habang kapwa isinailalim sa pangangalaga ng DSWD sa Tacloban ang dalawang child in conflict with the law.—sa panulat ni Jordan Gutierrez
