Due to insistent Army demand, magdaragdag ng ikatlong pagtatanghal ang South Korean boy band na BTS sa Pilipinas bilang bahagi ng Arirang World Tour nito.
Ayon sa Live Nation, magaganap ang ikatlong gabi ng naturang konsyerto sa Marso 16, 2027, sa Philippine Sports Stadium sa Bulacan.
Tugon ito ng local promoter sa mabilis na pagkaubos ng ticket para sa unang dalawang gabi ng pagtatanghal ng grupo sa Marso 13 at 14 sa susunod na taon.
Magaganap ang presale ng mga ticket para sa mga lehitimong fans ng grupo bukas, Hunyo 19, mula 09:00 ng umaga hanggang 10:00 ng gabi; habang sa Hunyo 20 ang general on-sale mula 09:00 ng umaga hanggang sa ma-sold out ang mga ticket.
Inaabisuhan din ng Live Nation ang mga nais bumili ng ticket na limitado lang sa dalawang ticket ang transaksyon kada account. Sa panulat ni Anjo Riñon
