Aminado ang ina ng nasawing Ateneo basketball player na si Rene Baterbonia na nagrekomenda sa kanya ng abogado ang Gobernador ng Agusan del Sur na si Santiago Cane Jr.
Ayon kay Rovelyn Baterbonia, inirekomenda sa kanya ni Cane sina Atty. Jimmy Bondoc at Atty. Israelito Torreon upang tulungan siya sa anumang aspektong legal.
Nabatid na taga-Talacogon, Agusan del Sur ang pamilya Baterbonia, at lumuwas ng Maynila si Rene upang magsanay kasama ang Ateneo Blue Eagles.
Kilala naman sina Atty. Bondoc at Atty. Torreon bilang mga tagasuporta ng mga Duterte, at naging mga kliyente na nila sina Senador Ronald “Bato” dela Rosa at ang nakakulong na televangelist na si Apollo Quiboloy. | Anjo Riñon
