Iginiit ni dating Senador Koko Pimentel na mas mahalagang ituon ng mga senador ang kanilang atensyon sa pagtatrabaho sa halip na sa paghawak ng posisyon, ito’y sa gitna ng patuloy na isyu sa liderato sa Senado.
Sa panayam sa programang Usapang Senado, binigyang-diin ni Pimentel na ang tunay na tungkulin ng mga miyembro ng Senado ay ang dumalo sa mga sesyon at gampanan ang kanilang trabaho, kabilang ang pagpapanatili ng maayos na attendance at produktibong trabaho.
Ayon sa kanya, nagiging hamon ang sitwasyon kapag ang mga desisyon ng liderato ay paulit-ulit na nababaligtad o nao-overrule ng mas nakararaming miyembro, kahit pa ang isang opisyal ay nahalal bilang lider ng institusyon.
