Nakatakdang magsampa ng kaso sina Sen. Erwin Tulfo at dating Senate President Tito Sotto laban sa 18 umano’y dating Marines at kanilang abogado na si Levi Baligod matapos silang idawit sa umano’y kickback scheme sa mga flood control project.
Kapwa itinanggi nina Tulfo at Sotto ang mga alegasyong lumabas sa pagdinig ng kampo ni Sen. Alan Peter Cayetano at sinabi nilang naghahanda silang magsampa ng cyberlibel at iba pang kaukulang reklamo laban sa mga sangkot.
