Posibleng magkaroon ng kaunting pagkaantala sa pagsisimula ng impeachment trial, bunsod ng mga isyung kailangang resolbahin ng Senado, kabilang ang teleconferencing para sa ilang senador.
Ito ang tugon ni Political Analyst Dr. Froilan Calilung kaugnay ng nalalapit na impeachment trial at ang muling pagbubukas ng imbestigasyon sa umano’y anomalya sa flood control projects.
Anya, parehas na mahalagang mapag-usapan at matutukan ang dalawang isyu dahil malaki ang pananagutan ng mga opisyal na sangkot sa nasabing usapin.
Samantala, giit ni Dr. Calilung, mahalagang mabigyang-linaw ang mga alegasyon upang matukoy kung may pananagutan ang mga sangkot para maibalik ang tiwala ng taumbayan sa mga institusyon ng pamahalaan.—sa panulat ni Reianne Antiquina
