Ila-livestream na ng Independent Commission for Infrastructure ang lahat ng kanilang hearing online sa susunod na linggo.
Batay sa inilabas na guidelines ng Independent Commission, kinakailangan na mag-apply ang mga media outlets ng broadcast access at mangakong iko-cover nila ang kabuuan ng buong pagdinig.
Ayon kay ICI Executive Director Brian Keith Hosaka, palagi na nilang i-la-livestream ang mga hearing maliban na lamang kung magrerequest ng closed-door sessions ang mga government agencies na nag-iimbestiga sa anomalya tulad ng Anti-Money Laundering Council, Ombudsman, Department of Justice, National Bureau of Investigation, gayundin ang mga witness at resource persons.
Papayagan lamang ng commission ang mga hiling na ito kung may sapat na factual at legal bases, at hindi layong i-delay o pigilan ang imbestigasyon.
—Sa panulat ni Mark Terrence Molave
