Tutol ang public health reform advocate na si Dr. Tony Leachon sa hakbang ng mga lokal na pamahalaan na kanselahin ang mga klase dahil sa pagkalat ng influenza-like illness.
Sa panayam ng DWIZ, sinabi ni Dr. Leachon na hindi makatwiran ang naturang hakbang at hindi ito epektibong paraan para mapigilan ang pagkalat ng sakit.
Naniniwala si Dr. Leachon na mas makatutulong kung magkakaroon ng “minimal public health measures.”
Sinabi naman ni Dr. Leachon na hindi dapat matakot ang mga magulang sa naturang sakit, kasabay ng pagtukoy sa mga dahilan kung bakit nangangamba ang mga ito.
