Lumabas ang pangalang ‘Dela Rosa’ at ‘Aguirre’ sa redacted document na ipinost ng International Criminal Court sa kanilang website kaugnay sa mga kasong kanilang isinampa laban kay dating Pangulong Rodrigo Duterte.
Bagaman hindi sinabi sa naturang dokumento ang unang pangalan nina ‘Dela Rosa’ at ‘Aguirre,’ nakasaad sa 78-page briefer na matapos mangako ng nagngangalang ‘Dela Rosa’ na agarang ipatutupad ang ‘scaled up’ version ng Davao model ay sinasabing itinalaga ni dating Pangulong Duterte si ‘Dela Rosa’ bilang PNP chief.
Maliban dito, nakalagay din sa briefer na naglabas ng command memorandum circular si ‘Dela Rosa’ upang pormal na ipatupad ang anti-illegal drugs campaign ng Duterte administration sa buong bansa bilang bahagi na rin ng ipinangako ng dating pangulo noong kampanya.
Ang redacted document ay isang uri ng dokumento na nagtatanggal o tinatakpan ang mga sensitive, confidential o private information bago isapubliko ang naturang dokumento.
