Iginiit ni Senate President Pro-Tempore at Blue Ribbon Committee Chairman Panfilo “Ping” Lacson na maganda pa rin ang idudulot ng mga isiniwalat ni dating Bulacan 1st District Assistant Engineer Brice Hernandez sa Independent Commission for Infrastructure na hindi niya sinabi sa mga nagdaang congressional hearing.
Ayon kay Senate President Pro-Tempore Lacson, walang isyu kung talagang maraming sinabi si Brice Hernandez sa ICI lalo’t isang indikasyon anya ito na magkakaroon ng magandang resulta ang nagpapatuloy na imbestigasyon sa maanomalyang flood control projects.
Paliwanag pa ng senador, parehas lamang ang direksyong gustong tahakin ng Blue Ribbon Committee at ng Independent Commission kaya kung sakali mang may makukuha pa silang mahalagang ebidensya ay ipapadala rin nila ito sa ICI.
