Plano ng Bureau of Corrections na gawing commercial area ang National Bilibid Compound sa Muntinlupa City.
Ito, ayon kay Bucor Director General Gregorio Pio Catapang Jr, ay dahil hindi na nababagay maging prison at penal park ang Bilibid lalo’t napapalibutan na ito ng mga first class subdivisions.
Ipinaliwanag naman ni General Catapang na ipapagamit ang nasabing establisyemento para sa iba’t ibang government agencies para maging government center south of Metro Manila.
Maliban dito, ihahain din ng ahensya ang panukalang Bucor Modernization and Land Development Authority para pamunuan ang proyekto at maabot ang target na deadline sa 2028.
