Tinawag na kabastusan ni Senate President Pro-Tempore Jinggoy Estrada ang ginawang pag-aresto ni PNP-CIDG Chief Major General Nicolas Torre III kay dating Pangulong Rodrigo Duterte.
Sa panayam ng DWIZ, iginiit ni Senator Estrada na hindi niya kinakampihan ang kampo ng dating pangulo, ngunit talaga lamang hindi katanggap-tanggap ang paraan ng pagdakip sa dating presidente.
Maaari aniyang may nais na pwesto si Major General Torre, kaya nagpapakitang gilas sa publiko.
Ikinabahala din ni Senator Estrada na maging imahe ng buong hanay ng pulisya ang aniya’y pagiging power tripper ng CIDG Chief kaya’t umaasa siyang mapaparusahan ito dahil sa kanyang ipinakitang asal. —sa panulat ni Laica Cuevas
