Pinasususpinde ng isang abogado sa Land Tranportation Franchising and Regulatory Board o LTFRB ang pagpapagamit ng mga Montero Sport sa Grab car at Uber taxi.
Ayon kay Atty. Felizardo Tiu, naghain ng petisyon ay upang pag-ingatan ang mga pasahero habang nagsasagawa pa ng imbestigasyon hinggil sa mga insidente ng sudden unintentional acceleration o biglaang pag-arangkada.
Sa panig naman ng LTFRB, sinabi ni Board Member Atty. Ariel Inton, pag-aaralan pa ng ahensya ang nasabing petisyon.
Payo pa ni Inton, may iba pa namang mga premium na sasakyan na ini-aalok sa Grab at Uber kaya’t makabubuting iyon muna ang kunin para na rin sa kaligtasan ng mga costumer.
By Jaymark Dagala
