Mas pinaigting pa ng Philippine Ports Authority ang seguridad sa mga pantalan ngayong papalapit na ang Pasko at bagong taon.
Kaugnay ito sa inaasahang pagdagsa ng mga pasahero sa mga pantalan ngayong holiday season.
Sa panayam ng DWIZ, inihayag ni PPA Spokesperson Eunice Samonte na nagdagdag pa ng security forces ang PPA upang matiyak ang kaligtasan ng mga pasahero.
Kaugnay nito, pinaalalahanan ni Spokesperson Samonte ang mga pasahero na ugaliing i-check kung tuloy o kanselado ang mga biyahe, lalo na kapag masama ang lagay ng panahon. - sa panulat ni Maianne Palma
