Tumaas ang moral ng mga tauhan ng Philippine National Police – Highway Patrol Group (PNP-HPG) sa pagkakasama ng ilan sa kanilang mga miyembro sa isang teleserye.
Sa naturang teleserye kasi, itinalaga ang bidang aktor na si Coco Martin na maging isa sa mga miyembro ng HPG na nagmamando sa daloy ng trapiko sa kalsada sa EDSA.
Ayon kay PNP-HPG Director Chief Superintendent Arnold Gunnacao nakatulong ito para mapataas ang kanilang moral lalo naipapakita aniya sa naturang palabas na ang kanilang dedikasyon at sakripisyo na mabilad sa gitna ng araw at mabasa ng ulan.
Sinabi ni Gunnacao na isang malaking pagkilala ito sa kanilang hanay.
By Ralph Obina | Jonathan Andal
