Namahagi ng tulong ang Office of the Vice President (OVP) sa mga residente na naapektuhan ng pagbaha sa Misamis Occidental bunsod ng shear line.
Kabilang sa ipinamahagi nina Vice President Sara Duterte ang 364 sko ng bigas sa Bayan ng Clarin, Tudela, Sinacaban, Jimenez, Panaon, Aloran, Oroquieta at Plaridel.
Pinasalamatan din ng OVP ang mga partner at volunteers na tumulong para mabilis na maibigay ang tulong para sa mga residente.
Samantala, umabot sa halos 30,000 ang bilang ng mga indibidwal o katumbas ng 7,822 pamilya ang naapektuhan ng pagbaha sa nasabing lalawigan. —sa panulat ni Hannah Oledan
