Inihayag ni Go Negosyo Founder at dating Presidential Economic Adviser Joey Concepcion, na malaking tulong sa bansa kung isasailalim sa privatization ang Ninoy Aquino International Airport (NAIA).
Kasunod ito ng naitalang technical glitch sa naturang paliparan kung saan, apektado ang biyahe ng mahigit 56,000 pasahero.
Ayon kay Concepcion, pinag-aaralan pa nila ang mga dahilan kung bakit maraming benepisyo ang nakukuha sa pagsasapribado ng NAIA.
Sa ngayon, sinisimulan na ang pagsasapribado ng utilities kabilang na ang kuryente, at tubig maging ang mga pantalan at mismong paliparan sa bansa.
