Muling tumaas ang presyo ng mga bulaklak na ibinibenta sa Harrison Road, Baguio City.
Ayon kay Estela Dumas, pangulo ng Cutflower Vendors, halos P50 ang itinaas ng presyo ng ilan sa mga pangunahing bulaklak.
Sa ngayon ay P40 na aniya ang presyo ng kada bungkos ng aster, P20-P25 sa bawat dosena ng alstroemeria at P80 hanggang P120 pesos ang bawat bungkos ng Malaysian mumps.
Samantala, pumapalo naman sa P150 hanggang P300 pesos ang presyo ng kada bungkos ng short stem hanggang extra-long stem ng rosas.
Subalit nilinaw ni Dumas na ang pag-akyat ng presyo ng bulaklak ay dahil sa kakaunting supply nito .
Kasabay nito, ibinabala ni Dumas ang mas mataas pang presyo ng bulaklak habang papalapit ang Araw ng mga Patay.
By Judith Larino