Pumalo na sa mahigit 80,000 pasahero ang naitala ng Philippine Coast Guard (PCG) ngayong Holiday season.
Batay sa pinakahuling datos, nasa 425 vessels at 680 motorbancas ang kanilang na-inspeksyon.
Kabilang sa mga bilang ang outbound passengers na may 41,176 at inbound passengers na may 46,885.
Inaasahan ng ahensya na tataas pa ang bilang ng mga pasahero na gagamit ng sea transport ngayong Holiday season.
Samantala, magde-deploy ng 2,180 personnel ng PCG sa mga pantalan upang mapanatili ang kaayusan, kaligtasan at seguridad ng mga pasahero. —mula sa panulat ni Jenn Patrolla
