Iginiit ni Pandag Mayor Khadafi Mangudadatu na sobra na ang pagmamalabis sa katungkulan ni Maguindanao Del Sur Governor Mariam Mangudadatu.
Ito’y matapos ang naganap na tensyon sa munisipyo ng Pandag kung saan hinostage umano at tinangkang barilin ang kaniyang asawa si Vice Mayor at acting Mayor Zihan Mangudadatu, kahapon.
Sinabi sa DWIZ ng alkalde na nagsimula ang girian nang pasukin ng kampo ng gobernadora ang tanggapan ng bise alkalde.
Pilit umanong kinandado ang opisina ng alkalde, pinagsusuntok ang mga empleyado at kinuha rin ang mga personal na gamit ni Zihan kabilang ang kaniyang bag at cellphone. —sa panulat ni Hannah Oledan
