Umabot sa 1.9 million ang tourist arrivals sa bansa ngayong taon.
Sinabi ni Tourism Secretary Christina Frasco na nahigitan nito ang pagtaya na 1.7 million turista hanggang sa katapusan ng 2022.
Ibinahagi rin ni Frasco sa mga kinatawan ng Filipino community sa London, England ang mga programa ng DOT para isulong ang industriya.
Plano rin ng kagawaran na gawing Tourism powerhouse ng Asya ang Pilipinas sa pamamagitan ng pagdadagdag ng international direct flights, pagsasa-ayos ng mga kalsada, paliparan at pantalan.
Kabilang din ang pagtatayo ng mga bagong pasilidad, pagsisiguro sa kaligtasan ng mga turista, pagpapalakas ng internet connectivity at pangangalaga sa mga likas na yaman ng bansa.
