Nakahanda na ang pamunuan ng Manila-Cavite Expressway (CAVITEX) sa pagbigat ng daloy ng trapiko kaugnay sa nalalapit na paggunita ng Undas.
Sa panayam ng DWIZ, sinabi ni CAVITEX Traffic Supervisor Reynaldo Lariosa na magkakaroon sila ng libreng towing services para sa mga class 1 motorists papunta sa pinakamalapit na exit mula 6:00am ng October 28 hanggang 6:00am ng November 2.
Magtatalaga rin aniya sila ng all ground personnel para sa cash lane, RFID assist, at traffic personnel para sa maayos na biyahe.
Sinabi pa ni Lariosa na mananatiling bukas ang kanilang customer service para sa mga motorista sa mga nasabing araw.
